Wallon

Li liyon èyèt l’ soris

Gn-aveut in côp, ène soris qu’a rèscontrè in nuzome liyon an vûdant di s’ tèréye.
Li liyon v’leut l’ mougnî.
« S’i vous plét, liyon, ni m’ mougne né. In djoû, quéqu’fîye, t’âras dandji d’ mi. »
Li liyon lyi a rèspondu:
« Comint ç’ qui t’ vous qu’ dj’ eûche dandji d’ twè, t’ès tél’mint p’tite? »
Li liyon a yeû dèl pitié an vèyant qui l’ soris èsteut si p’tite èy’ il l’a lèyi ’n-n-alér.
In djoû, li soris étint dès tèribes ribeûlâdjes. C’èsteut Mossieu liyon.
Quand èle a arivè su place, èle a tcheû su l’ liyon qu’èsteut ègayolè dins-in-filèt.
« Dji m’ va t’ sicapér, dis-st-èle li soris.
–Twè! T’ès branmint trop p’tite pou ’ne téle tchôke! »
Li soris s’a mètu a rondjî lès cwades du filèt èyèt l’ liyon a scapè.
Dispûs ç’ niût la, tous lès deûs, is-ont d’vènu dès cous´ pou toudis.